කවුද මේ යොහානිද සිල්වා…? ඔව්.. මම විශ‍්‍රාමික මේජර් ජෙනරාල් ප‍්‍රසන්න සිල්වාගේ දුව…!

Report
18Shares

මේ දිනවල ඇය හරි ජනප‍්‍රිය චරිතයක්. නමින් යොහානිද සිල්වා. ඇත්තටම ඇය කවුද?. ඇයට ගොඩක් දෙනෙක් දන්නේ භාතිය සන්තුෂ් ඩ‍්‍රයිව් ඉන් කොන්සර්ට් ප‍්‍රසංගයේ ඇය භාතිය සමග සිරිසඟබොදි ගීතය ගායනා කරපු දඟකාර කටකාර තරුණිය විදිහට. හැබැයි මෙයාගේ තාත්තා ඔයාල හොඳට දන්න දැවැන්ත රණකාමියෙක්.. මානූෂීය මෙහෙයුමේ 57 වැනි සේනාංකය භාරව කටයුතු කළේ. යොහානි ගේ තාත්තා. කියවලා බලන්නකෝ ඒ කවුද කියලා. ඇත්තටම මේ කතාව කියෙව්වහම ඔයාලටත් පුදුම හිතෙයි.

* යොහානි මේ දිනවල හරි ජනප‍්‍රිය චරිතයක්. එතකොට ඔබට ලැබෙන ප‍්‍රතිචාර එහෙම කොහොමද?

මේ දවස්වල හොඳයි. මගේම ගීත දෙකක් එළිදැක්වූවා. ඉතිං ලැබෙන ප‍්‍රතිචාර ඉහළයි

.* යොහානි ගායනයට පිවිසුණේ ?

මම පුංචි කාලේ සංගීතය හැදෑරුවා. හැබැයි ඒ දිනවල ගීත ගායනා කළේ නෑ. සරසවි අධ්‍යාපනය ලබන කාලේ තමයි පොඞ්ඩ පොඞ්ඩ ගායනයට පිවිසුණේ. 2016 මගේ යූ ටියුබ් නාලිකාව ආරම්භ කළා. ඊට පසුව තමයි ගායනයට පිවිසුණේ.

* භාතිය සන්තුෂ් ඩ‍්‍රයිව් ඉන් කොන්සර්ට් ප‍්‍රසංගයේ ගායනා කළ සිරිසඟ බොදි ගීතය ගැන කතා නොකරම බැහැනේ ? ඩ‍්‍රයිව් ඉන් කොන්සර්ට් එකට කලින් මම සහභාගි වුණේ රෙඞ්බුල් කොන්සර්ට් එකට. එකේදී තමයි පළමු වරට ඔය ගීතය ගායනා කළේ. හරි ජනප‍්‍රිය වුණා.

* පාසැල් ගියේ ? මම සාමාන්‍ය පෙළ දක්වා කොළඹ විශාඛා විද්‍යාලයට තමයි ගියේ. ඊට පස්සේ මම උසස් පෙළ හදාරන්න එංගලන්තය බලා පිටපත්ව ගියා.

* පවුලේ විස්තර ? අම්මයි, තාත්තයි, නංගියි.

* ඔබේ ‘ආයේ ගීතය’ ගැන යමක් පැවසුවොත් ? ‘ආයේ ගීතයේ’ සංගීතය නිර්මාණය කළේ මමමයි. ඩිරංජන් සෙනවිරත්න තමයි පද රචනය සිදුකළේ. පසන් තමයි මික්ස් ඇන්ඞ් මාස්ටරින් කරලා ගීතය නිර්මාණය කළේ.

* යොහානි ප‍්‍රසිද්ධ වේදිකාවට එන්නේ කොහොමද? ප‍්‍රසිද්ධ වේදිකාවට මම මුලින්ම සහභාගි වෙන්න අවස්ථාව උදාවුණේ රෙඞ්බුල් ප‍්‍රසංගයෙන්. ඊට පස්සේ මම 2016 යූ ටියුබ් නාලිකාව හදලා පෙටා ඉෆෙක්ට් කියන රොකෝඞ් ලේබල් එකත් එක්ක ගිවිසුමක් ඇතිකරගත්තා. එකේන් පස්සේ තමයි මම රෙඞ්බුල් ප‍්‍රසංගයට යන්න අවස්ථාව උදාවුණේ. එතැනදී තමයි මම ප‍්‍රසිද්ධ වේදිකාවට ගොඩවුණේ.

* ප‍්‍රසංග වේදිකාවට ලැබෙන ආරාධනා මොනවගේ ද? ආරාධනා ගොඩක් ලැබෙනවා.

* යොහානි ටිකක් වෙනස්ම විදිහට තමයි තරුණ තරුණියන් අතර ජනප‍්‍රිය ? ඇත්තටම මම විලාසිතාවලට කැමැතියි. සමාජ මාධ්‍යවලට යන විදිහ හා මම සහභාගි වෙන අවස්ථා අනුව තමයි විලාසිතා සිදුකරන්නේ.

* සිරිසඟබොදි ගීතය ගැන භාතිය මොනවද කිව්වේ ? මට භාතිය ආරාධනා කළහම කිව්වේ සිරිසඟබොදි කරමු කියලා. නමුත් මම දැනගෙන හිටියේ නැහැ මේ තරම් එ් වැඬේ ජනප‍්‍රිය වෙයි කියලා. ඇත්තටම එ් අවස්ථාව නිසා මම ලොකු අභියෝගයක් ජයගත්තා සේම හොඳ පුහුණුවකුත් ලැබුණා.

* දැන් භාතිය සන්තුෂ් එක්ක වැඩ කරනවාද? ඔවුන්ගේ ප‍්‍රසංගවලට ආරාධනා කළොත් මම ඊට සහභාගි වෙනවා.

*රැප් සංගීතය නිසා බැණුම් අහන්න සිද්ධ වුණ අවස්ථා තියෙනවාද? අම්මෝ. ගොඩක් තියෙනවා. ගොඩක් මිනිස්සු බැනලා තියෙනවා.

* එ් වෙලාවට හිතෙන්නේ නැතිද ගායන විලාසය වෙනස් කරන්න ඕනෑ කියලා ? මට හදාගන්න පුළුවන් වැරැද්දක් නම් හදාගන්න බලනවා.

* යොහානි ද සිල්වා කියන්නේ විශ‍්‍රාමික මේජර් ජෙනරාල් ප‍්‍රසන්න සිල්වාගේ දුව ? ඔව්… මම විශ‍්‍රාමික මේජර් ජෙනරාල් ප‍්‍රසන්න සිල්වාගේ දුව.

* ඔබේ ගායන වැඩවලට තාත්තාගෙන් විරුද්ධත්වයක් නැතිද? විරුද්ධත්වයක් නැහැ. මම මුලින්ම මගේ වෘත්තිය හැටියට කරගෙන ආවේ ගිණුම්කරණය. එක්වරම එ්ක අතහැරලා ලංකාවට ආවහම මුලදී පුංචි විරුද්ධත්වයක් තිබුණා ඇයි එහෙම කළේ කියලා. දැන් තාත්තා මට ලොකු සහයෝගයක් ලබාදෙනවා.

* විශ‍්‍රාමික මේජර් ජෙනරාල් ප‍්‍රසන්න සිල්වාගේ දුව වීම ගැන මොකද හිතෙන්නේ ? ගොඩක් ආඩම්බරයි.

*තාත්තා නිසා දුවට තියෙන පිළිගැනීම ? ඇත්තටම දැන් තමයි ගොඩක් දෙනෙක් අපේ තාත්තා කවුද කියලා දැනගන්නේ. මම එ් කතාව කාටවත් කියලා නෑ.

* හැබැයි භාතිය මේ රහස වේදිකාවේදී හෙළිකළා නේද? ඔව්. භාතිය තමයි මේ කතාව මුලින්ම ප‍්‍රසිද්ධ වේදිකාව උඩදී කිව්වේ. දැන් ඉතිං දිගින් දිගටම හැමෝම එ් ගැන අහනවා.

* මේ කතාව එළියට ආවට පස්සෙ ඔබට ලැබෙන්නේ මොනවගේ ප‍්‍රතිචාරද? මෑත කාලයේ තමයි එ් වගේ දේවල් අහන්න ලැබුණේ. මම ඇත්තටම තාත්තා ගැන සතුටුයි. තාත්තා ගැන ගොඩක් ආඩම්බරයි. මිනිස්සු කතා කරනවා.

* ඇයි මේ කතාව කේෂ්ත‍්‍රයට එනකොට කිව්වේ නැත්තේ ? මට තාත්තා ගැන කියලා ගායනයට එන්න වුවමනාවක් තිබුණේ නැහැ.

* තාත්තාගේ නම භාවිතා කරලා ඔබට වැඩි ඉඩක් ගන්නේ තිබුණානේද? එහෙම අදහස් මගේ හිතේ තිබුණේ නැහැ. මම සංගීතය කරන්නේ කැමැති නිසා. මම මගේ හැකියාවන්වලින් ඉදිරියට එන්න තමයි උත්සාහ කළේ. මට ලොකුවට ජනප‍්‍රිය වෙන්න වුවමනාවක් තිබුණේ නැහැ.

* තාත්තා රැුප් සංගීතය කරපා කියන්නේ නැතිද? නැහැ. නැහැ. එහෙම කියන්නේ නැහැ. තාත්තාගෙන් සංගීතයට සීමාවන් වැටිලා නැහැ. තාත්තා තමයි මට පළවැනි ගිටාර් එක අරගෙන දුන්නේ. තාත්තා වෙනුවෙන් ගීතයක් කළා. එ්ක දෙසැම්බර් මාසයේ එළිදක්වනවා.

දිවයින