මට පොසිටිව් වුනා අදට දවස් 2යි.. චතුරිකා පීරිස් රෝහලේ සිට කියපු කතාව මෙන්න

Report
30Shares

සිනමා හා ටෙලි නාට්‍ය නිළි චතුරිකා පීරිස්ට මේ වසංගතය ආසාදනය වූ පුවත ඊයේ වාර්තාවිය. මේ දක්වා කලා ශිල්පීන් ගණනාවකට මේ වසංගතය ආසාදනයවීම සඟවා තිබියදී චතුරිකා සහ ගයාන් නොබියව සමාජ මාධ්‍ය වෙත ඉදිරිපත්වී එම පුවත තහවුරු කිරීම පසුපස තිබෙන්නේ වෙනත් කතාවකි. එනම් ගයාන්ට දරුවාට හා චතුරිකා යන තිදෙනාටම මේ වසංගතය ආසාදිත බවට කිසියම් සමාජ මාධ්‍ය පිටුවකින් පැතිරවූ අසත්‍ය ආරංචියයි.

මෙම අසත්‍ය ආරංචිය පැතිරවූ පිටුව එම පිටුව තුළ පළවී ඇති සමස්ත ප්‍රවෘත්ති ගණන පහ හයකට වැඩි නැති අතර ඒ සියල්ලම පාහේ මේ දෙන්නා ඉලක්ක කර මඩ ගැසීම් බවට හඳුනාගන්නට ලැබේ. සත්‍ය ලෙසම මේ වසංගතය ආසාදනය වූයේ චතුරිකාට පමණක් බව දැනට රෝහල් ගතව සිටින චතුරිකාද සිය ෆේස් බුක් ගිණුම ඔස්සේ තහවුරු කර තිබෙන අතර ඇය අසත්‍ය ආරංචිය පැතිරවූ බව කියන පිටුවද උපුටා දක්වමින් මෙවැනි දේවල් නොකරන ලෙස ඉල්ලා තිබේ. එම පිටුවේ තවත් කලා ශිල්පීන් කිහිප දෙනෙකුගේ නම්ද දක්වමින් කොරෝනා ආසාදනය වී ඇති බවට සඳහනක් තිබේ.මට පොසිටිව් ඒත් මෙතන නම් තියන කලාකරුවන් වැඩිදෙනෙක්ට මේ වසංගතය ආසාදනය වී නෑ – චතුරිකා එහිදී කියයි. චතුරිකාගේ සටහන ෆේස් බුක් උපුටනය පහතින්

මේ නිවුස් එකේ තියන විදියට මට පොසිටිව් වෙලා තියෙනවා . අදට දවස් 2යි. හැබැයි ගයාන්ටවත් ,මගේ දෝනිටවත්, අපේ පවුලේ අනික් කාටවත් ආසාදනය වෙලා නෑ. ඒ විතරක් නෙමෙයි, මෙතන මේ නම් සදහන් කලාකරුවන්ගෙන්, වැඩි දෙනෙකුටත් ආසාදනය වෙලා නෑ.. මේ වගේ අවස්ථාවකදී , මේ වගේ බොරු මඩ ප්‍රචාර කරල, කාලකණ්ණි සතුටක් ලබන, මේ වගේ page කරන අයව කරුණාකරල report කරන්න..මේ වසංගතය සමාජ රෝගයක් වත් නෙමෙයි.. බයවෙන්න එපා… වෙනදා වගේම මාත් ඉතා හොඳින් ඉන්නවා… බහුතරයකට වගේ මටත් රෝග ලක්ශණ කිසිම දෙයක් නෑ..මං මගේ ආදරණීය ඔබ සැමටම කියන්නෙ, හැමෝම පරිස්සමින් ඉන්න.. උණුවතුර , කොත්තමල්ලි , වගේ දේවල් නිතරම ගන්න… steam කරන්න… එකම දේ , මේ virus එකට බය වෙන්න එපා… මේ තත්ත්වය මුලු ලෝකෙම ඉක්මනට තුරන් වේවා කියලා අපි හැමෝම ප්‍රාර්ථනා කරමු.. මේ ටික ලියන්නේ මේ page එකේ admin ට. අද මට වෙන දේ හෙට තමුන්ට වෙන්න පුලුවන්. මොකද මේක බුදුන් වැඩිය රටක්.. දිට්ටදම්මවේදනීය කර්මේ හරි ප්‍රබලයි.. ඒක මතක තියාගෙන post දාන්න