ආසාදිතයින් අඩුවීමට හේතුව PCR පරීක්ෂණ අඩුවීමයි - උපුල් රෝහණ

Report
0Shares

මෙරටින් වාර්තා වන දෛනික කොවිඩ් ආසාදිතයින් සංඛ්‍යාව පහළ ගොස් ඇත්තේ සිදුකරන PCR පරීක්ෂණ සංඛ්‍යාව පහළ දැමීම නිසා බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය චෝදනා කරයි.

ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ සභාපති උපුල් රෝහණ මහතා පෙන්වා දෙන්නේ මහජන සෞඛ්‍ය පරීක්ෂකවරු එන්නත්කරණ වැඩසටහනට සහභාගීවීම නිසා PCR පරීක්ෂණ සිදුකිරීම තාවකාලිකව නැවතී ඇති බවය.

"අපි දැක්කා පසුගිය සතියේ විතර රෝගීන් සංඛ්‍යාව 1000 ආසන්නයට ආවා. ආසන්නතම දින ටිකේ 500 ආසන්නයේ අතර තමයි ආසාදිතයින් හිටියේ. ප්‍රධාන කාරණා දෙකක් මත මේ ආසාදිතයින් සංඛ්‍යාව තීරණය වෙනවා. එකක් PCR සංඛ්‍යාව මත. පසුගිය ආසන්නම දින 3නේ ගම්පහ දිස්ත්‍රික්කයේ සෞඛ්‍ය වෛද්‍ය නිලධාරී කාර්යාලවල PCR පරීක්ෂණ තාවකාලිකව නැවතිලා තිබුණේ. හේතුව මහජන සෞඛ්‍ය පරීක්ෂකවරු එන්නත්කරණ වැඩසටහනේ හිටිය නිසා."