බුද්ධාගම අහෝසි වී යාමේ අනතුරක් - තුනුරුවන්, තනි රුවන් වෙන්නත් පුළුවන්

Report
8Shares

ලොව පුරා සිටින සිංහල නොවන බෞද්ධයන් සම්බන්ධයෙන් නිරන්තරයෙන් කතා කරන ශ්‍රී ලාංකික සිංහල බෞද්ධයන් රට තුලම ජීවත් වන දෙමළ බෞද්ධයන් පිළිබදව අවධානයක් යොමු නොවීම ගැන අධ්‍යාපන අමාත්‍යවරයා බෞද්ධ භික්ෂුන් වහන්සේලා පිරිසක් ඉදිරියේ සිය කනස්සල්ල පල කර තිබේ.

පාර්ලිමේන්තුව විසුරුවා හැරීමට දිනකට පෙර පත්වීම් ලිපි බෙදා දීමේ උත්සව සභාවක් අමතමින් අමාත්‍ය ඩලස් දහම් අලහප්පෙරුම මහතා සදහන් කර ඇත්තේ "අපේ සාකච්ඡාවේ අපේම රටේ ඉන්න දෙමළ බෞද්ධයා ගැන තියෙන්නේ ඉතාම දුර්වල සටහනක්,” බවයි.

වැඩිදුරටත් අදහස් දැක්වූ අමාත්‍යවරයා පැවසුවේ,

"ඒක අපේ ‍ඓතිහාසික වැරැද්දක් විදිහටයි මම විශ්වාස කරන්නේ. මම වැරදිනම් නිවැරදි කරන්න. අපි ලෝකේ සියළුම බෞද්ධයන් ගැන කතා කරනවා. දෙමළ බෞද්ධයන් ගැන කතා කරන්නේ නෑ."

උතුරු නැගෙනහිර තිබෙන බෞද්ධ නටබුන් සිංහල උරුමයක් ලෙස තහවුරු කරගැනීමට දැඩි වෙහෙසක් ගන්නා බෞද්ධ භික්ෂුන් වහන්සේ පෙරටු කොටගත් සංවිධාන වල සහායෙන් බලයට පත් ආණ්ඩුවක් නියෝජනය කරන අධ්‍යාපන අමාත්‍ය ඩලස් අලහප්පෙරුම දෙමළ බෞද්ධයන් පිළිබඳව අවබෝධයක් ලබාදීම “සුවිශේෂී මෙන්ම ජාතික වගකීමක්” ලෙස භාරගන්නා ලෙස ට බෞද්ධ භික්ෂුන් වහන්සේලාට යෝජනා කළේ පසුගියදා බත්තරමුල්ල ඉසුරුපාය, අධ්‍යාපන අමාත්‍යාංශයේ පැවති, පිරිවෙන් සඳහා නවක පරිවේණාචාර්යවරුන්ට පත්වීම් ලිපි ප්‍රදානෝත්සවයේ ප්‍රධාන ආරාධිත අමුත්තා ලෙස එක්වෙමිනි.

අධ්‍යාපන අමාත්‍යංශය යටතේ පවතින පිරිවෙන් අධ්‍යයන අංශය, දෙපාර්තමේන්තුවක් බවට පත් කිරීමට යෝජනා කළ අධ්‍යාපන අමාත්‍යවරයා බෞද්ධ භික්ෂුන් වහන්සේලාට අවධාරණය කළේ ජාත්‍යන්තර භාෂා සහ නවීන තාක්ෂණය පිරිවෙන් තුළ ඉගෙන ගැනීමට කටයුතු කළ යුතු බවයි.

මෙරට මෙන් ම ජාත්‍යන්තරය තුළ සිටින සිංහල නොවන බෞද්ධයන් වෙනුවෙන් මෙරට පිරිවෙන් අධ්‍යාපනය හරහා විශාල කාර්යභාරයක් සිදු කළ හැකි බැවින්, නූතන තාක්ෂණයෙන් හා ජාත්‍යන්තර භාෂා ාණයෙන් සන්නද්ධ වීම තුළ ලෝක ප්‍රජාවට බුදුදහමේ අසිරිමත් පණිවුඩය සම්ප්‍රේෂණය කිරීමේ පහසුව සැලසෙන බව අමාත්‍යවරයා එහිදී පෙන්වා දුන්නා.

එසේ නැතහොත්, බුද්ධාගම අහෝසි වී යාමේ අනතුරක් ගැනද අලහප්පෙරුම අමාත්‍යවරයා අනතුරු ඇඟවීය.

"තුනුරුවන් ගැන නෙමෙයි, දෙනුරුවන් ගැන විශ්වාස කරන කණ්ඩායම් බිහි වෙනවා, එය තනි රුවන් වෙන්නත් පුළුවන්. ඒක ශුන්‍ය වෙන්නත් පුළුවන්."

මේ පිළිබදව වැඩිදුරටත් අදහස් දැක්වූ අධ්‍යාපන අමාත්‍ය ඩලස් අලහප්පෙරුම මහතා