දෙදෙනෙකුට වෙඩි තැබූ SBගේ ආරක්ෂකයින් අත්අඩංගුවට

Report
1Shares

පාර්ලිමේන්තු මන්ත්‍රී එස්.බී දිසානායක මහතා ගමන් ගත් රථයට බාධා කළ පිරිසකට වෙඩි තැබීම සිදු කළ මන්ත්‍රීවරයාගේ ආරක්ෂාවට සිටි ඇමති කොට්ඨාසයේ පොලිස් කොස්තාපල්වරුන් දෙදෙනා අත්අඩංගුවට ගෙන ඇත.

පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි රුවන් ගුණසේකර මහතා සඳහන් කළේ ගිනිගත්හේන පොලීසිය විසින් අදාල නිලධාරින් දෙදෙනා වෙඩි තැබීම සිදු කළ පිස්තෝල දෙක සමඟ අත්අඩංගුවට ගත් බවයි.

ඊයේ රාත්‍රී 07.30ට පමණ ගිනිගත්හේන පොලිස් වසමේ පොල්පිටිය ප්‍රදේශයේදී එස්.බී දිසානයක මන්ත්‍රීවරයා ගමන් ගත් රථයට බාධා කළ පිරිසකට මන්ත්‍රීවරයාගේ ආරක්ෂක නිළධාරින් වෙඩි තැබීමක් සිදු කළේය.

පොලීසිය සඳහන් කළේ එහිදී තුවාල ලැබූ පුද්ගලයින් දෙදෙනාගෙන් එක් අයෙකු කරවනැල්ල රෝහලේ සහ අනෙක් පුද්ගලයා ගිනිගත්හේන රෝහලේ ප්‍රතිකාර ලබන බවයි.