යතුරුපැදි අනතුරකින් කාන්තාවක් මරුට

Report
1Shares

මිනුවන්ගොඩ, අඹගහවත්ත ප්‍රදේශයේ සිදු වූ රිය අනතුරකින් කාන්තාවක් මිය ගොස් තිබේ.

කොටුගොඩ සිට මිනුවන්ගොඩ දෙසට ධාවනය වූ යතුරුපැදියක් එම දිශාවටම ගමන් කළ අත් ට්‍රැක්ටර් රථයක් ඉස්සර කිරීමට යාමේදී යතුරුපැදිය එහි ගැටී මාර්ගයේ පෙරළී ගොස් බවුසර් රථයක ගැටීමෙන් අනතුර සිදුව ඇති බව පොලීසිය සඳහන් කළේය.

අනතුරෙන් බරපතළ තුවාල ලැබූ යතුරුපැදිකාරිය සහ පසුපැදිකාරිය ගම්පහ රෝහලට ඇතුළත් කිරීමෙන් පසු පැදිකාරිය මිය ගොස් තිබේ.

මියගොස් ඇත්තේ මිනුවන්ගොඩ, මාතම්මන ප්‍රදේශයේ පදිංචිව සිටි 34 හැවිරිදි කාන්තාවකි.

අනතුර සම්බන්ධයෙන් බවුසර් රථයේ රියදුරු අත්අඩංගුවට ගෙන ඇති අතර සිද්ධිය සම්බන්ධයෙන් මිනුවන්ගොඩ පොලීසිය වැඩිදුර පරීක්ෂණ සිදුකරයි