සුළි කුණාටු 05ක් එකවර සක්‍රීය වෙයි.අවදානම් තත්ත්වයක්.

Report
14Shares

අත්ලාන්තික් සාගරයේ එකවර නිවර්තන සුළි කුණාටු 05 ක් හටගෙන තිබෙන බව වාර්තා වනවා.

මෙලෙස එකවර සක‍්‍රීය නිවර්තන සුළි කුණාටු 05 ක් අත්ලාන්තික් සාගරයේ හටගෙන ඇත්තේ ලොව දෙවන වරට බවයි විදෙස් මාධ්‍ය පවසන්නේ.

මීට පෙර එවැනි අවස්ථාවක් වාර්තා වී ඇත්තේ 1971 වසරේ පමණක් බවයි විදෙස් මාධ්‍ය වාර්තා කළේ.

මෙවර අත්ලාන්තික් සාගරයේ හටගෙන ඇති සුළි කුණාටු පුලෙට්, සැලී, ටෙඞී විකී සහ රෙනේ ලෙස නම් කර තිබේ.

බර්මියුඩා ති‍්‍රකෝණය ආසන්න කලාපයේ හටගෙන ඇති පුලෙට් සුළි කුණාටුව හේතුවෙන් අමෙරිකාවේ ප‍්‍රාන්ත කිහිපයකට, බහමාස් සහ ලීවර්ඩ් දුපත්වලට බලපෑම් එල්ල වනු ඇති බවටයි කාලගුණ අනාවැකි පළව ඇත්තේ.

මේ අතර සැලී සුළි කුණාටුවේ අවදානම හේතුවෙන් අමෙරිකාවේ ඇලබාමා සහ මිසිසිපි ප‍්‍රාන්තවලට මේ වනවිට හදිසි තත්ත්වයන් ද ප‍්‍රකාශයට පත්කර තිබෙනවා.